هنا الزاهد تكشف عن معاناتها بعد الانفصال: "قلبي اتكسر ومفيش حد هيدخل حياتي"

في ظهور مؤثر لها ببرنامج "ABtalk" مع الإعلامي أنس بوخش على يوتيوب، فتحت الفنانة هنا الزاهد قلبها للمشاهدين وتحدثت بصراحة عن أصعب الفترات في حياتها بعد انفصالها عن الفنان أحمد فهمي.

وأوضحا هنا إنها مرت بمرحلة صعبة جدًا، قائلة: "قلبي اتكسر أوي، ورممته لوحدي، مفيش حد ساعدني غير أهلي اللي وقفوني على رجلي، لكن لما ببقى لوحدي، بحس قد إيه قلبي لسه مكسور".

وأكدت أنها أصبحت أكثر حرصًا على مشاعرها، موضحة: "مش هاسمح لأي حد يدخل حياتي غير لما أكون متأكدة إنه الشخص الصح، أنا دلوقتي مركزة في نفسي، في هنا، في الحاجات اللي كنت مأجلّاها زمان وعايزة أعملها دلوقتي".

وأضافت أن فترة زواجها شهدت تضحيات كبيرة منها، قائلة: "كنت دايمًا بدي الأولوية للطرف التاني، ونسيت نفسي، لكن دلوقتي أنا رجعت أفكر في اللي يسعدني أنا".